Western Union Beynəlxalq Pul Köçürməsi Sistemi vasitəsilə çox rahat, cəmi 10 dəqiqə ərzində, dünyanın 200 –dən çox ölkəsinə pul köçürmələri etmək mümkündür. Hazırda dünyanın 189 ölkəsində Western Union-un 150 min məntəqəsi fəaliyyət göstərir. Hər bir köçürülən məbləğin ünvanına çatdırılmasına zəmanət verilir və etibarlı təhlükəsizlik sistemi ilə mühafizə olunur.
Pulun köçürülməsi zamanı 10 rəqəmdən ibarət unikal kontrol nömrəsi seçilir. Köçürmə edərkən bankda hesab açmaq mütləq deyil. Köçürülən məbləği alan şəxs komission haqqı ödəmir.
Western Union sistemi vasitəsilə pul köçürülməsi edərkən göndərən aşağıda sadalananları təqdim etməlidir :
1. Şəxsiyyəti təsdiq edən sənədi ;
2. Köçürmənin məbləğini (sözlə ifadə etməli);
3. Alanın şəhərini və ölkəsini;
4. Alanın tam adını;
5. Göndərənin telefon nömrəsini;
6. Göndərənin faktiki ünvanını.
Vəsaiti göndərən şəxsiyyətini təsdiq edən sənədi bankın işçisinə təqdim etməlidir. Daha sonra göndərən alana göndəriləsi məbləği xəzinəyə verməli və köçürülmə üçün komission haqqı ödəməlidir (komissiya mövcud tariflərə müvafiq olaraq müəyyən edilir və ölkədən asılı olaraq dəyişir). Verilənlərin emalından sonra bankın əməkdaşı göndərənə xüsusi on rəqəmli nəzarət nömrəsini bildirməlidir, hansını ki, göndərən pulu alana bildirməlidir. Pulu daha təhlükəsiz köçürmək üçün göndərən şəxs cavabı göstərilmək şərti ilə nəzarət sualı (yalnız xarici ölkələrə köçürmə zamanı) verə bilər. Nəzarət sualına düzgün cavab verildikdə, göndərilmiş pullar alana veriləcəkdir.
Western Union sistemi vasitəsilə köçürülən pulu almaq üçün aşağıdakıları təqdim etmək lazımdır:
1. Alanın şəxsiyyətini təsdiq edən sənədi;
2. Köçürmənin on rəqəmli nəzarət nömrəsini (əgər alana məlumdursa);
3. Almaq ehtimalında olunan məbləğin qədərini;
4. Pul göndərənin tam adını;
5. Pul göndərənin telefon nömrəsini (əgər alana məlumdursa);
6. Köçürmənin hansı şəhər və ölkədən edildiyi barədə məlumatı;
Xüsusi şərtlər:
• 500 ABŞ dolları ekvivalentində olan məbləği istənilən fiziki şəxs digər fiziki şəxsə heç bir maneəsiz köçürə bilər (gün ərzində 1 dəfədən artıq olmayaraq);
• 1000 ABŞ dollarından artıq məbləğdə köçürülmə rəsmiləşdirildikdə, bank, avtomatik olaraq, göndərənin adına hesab açır.
Pul köçürülməsi zamanı əlavə pullu xidmətlər göndərənin istəyi ilə, haqqı ayrıca ("Western Union" sisteminin mövcud tariflərinə əsasən) ödənilməklə təqdim edilə bilər. Məsələn;
• Köçürmə ilə birlikdə məlumat (20 sözdən çox olmayacaq): Siz köçürmə ilə bərabər, onu blankın müvafiq bölməsinə latın şrifti ilə yazmaqla, qısa xəbər göndərə bilərsiniz;
• Telefon vasitəsilə bildiriş (bəzi ölkələr üçün mümkündür): Əgər Siz göndərənsinizsə, Siz alanın, şəhərin kodu ilə birlikdə, telefon nömrəsini, habelə alanın yaşadığı şəhərin/ştatın/vilayətin adını göstərə bilərsiniz. Köçürmənin yola salınmasından keçən bir saat ərzində bankın nümayəndəsi alanı köçürmə haqqında məlumatlandıracaq, habelə pulu hansı ünvanda almaq mümkün olduğunu bildirəcəkdir. Alan ünvanında olmadıqda, Western Union-un nümayəndəsi iki gün ərzində (gündə üç dəfə) ona zəng vuracaqdır;
• Köçürülən məbləğin alanın ünvanına çatdırılması (bəzi ölkələr üçün mümkündür): Köçürülən məbləğ alana, sonradan ödəniş vasitəsi kimi istifadə oluna biləcək çek şəklində çatdırıla bilər;
Göndərən əlavə xidmətlərdən istifadə etmək istəyərkən, bankın əməkdaşı mütləq arzu olunan xidmətin alanın ölkəsində həyata keçirilməsi imkanını dəqiqləşdirməlidir.
Rusiyaya köçürmə edərkən tutulan komissiya məbləğləri
